Plant
Amddiffyn Plant
Ewch fan hyn i weld rhagor o fanylion ar Grŵp Amddiffyn Plant yr Esgobaeth.
Adnoddau
Galwad i Rannu Ffydd: cwrs hyfforddi ar gyfer gweithwyr plant, yn edrych ar ddatblygiad plant, datblygiad ysbrydol, addoli a dysgu, addysgu ac arwain.
Roots: Ar gyfer 2007 mae’r Tîm Plant yn cynnig gostyngiad o 50% i grwpiau yn Esgobaeth Tyddewi sy’n tanysgrifio am flwyddyn i Roots. Mae Roots wedi datblygu adnoddau ar gyfer grwpiau plant ac ar gyfer addoliad pob oed sy’n cyd-fynd â’r Llithiadur Cyffredin Diwygiedig (RCL). Ewch i wefan Roots i ganfod mwy: rootsontheweb.com
Cysylltwch ag Alan Chadwich am y cymhorthdal: alan.chadwick@hubberston.org.uk
Cynllun Eglwysi Cyfeillgar i Blant
Cafodd y Cynllun Dyfarnu Eglwysi Cyfeillgar i Blant ei greu i helpu eglwysi ystyried sut y maen nhw’n “croesawu ac yn cynnwys plant a’u teuluoedd ym mywyd addoli eu heglwys”.
Mae’r cynllun wedi’i gyflwyno i annog eglwysi i ystyried sut i osod plant a theuluoedd ar eu hagendâu a gweithio tuag at dargedau penodol. Drwy hynny gallant dderbyn tystysgrif a dyfarniad i’w harddangos fel sy’n briodol.
Cynllun gwirfoddol yw hwn ac un digon ysgafn; felly dim ond un rhestr seml sydd i’w chwblhau gan dicio! Fodd bynnag, nid ymarferiad i dicio’r blychau “ie” yn unig yw hwn. Mae’n ymwneud yn fwy am gydnabod pwysigrwydd plant a phobl ifanc yn yr eglwys leol, a gwella’n barhaus y modd yr ydym yn eu croesawu ac yn gweinidogaethu gyda nhw.
Mae Tîm Plant yr Esgobaeth yn annog eglwysi i weithio tuag at y dyfarniad hwn. Dyma blwyfi y gwyddwn eu bod wedi cychwyn ar y daith hon:
- San Pedr, Caerfyrddin
- Hubberston, Aberdaugleddau
Os yw’ch plwyf eisiau gweithio tuag at y dyfarniad hwn, cysylltwch ag Alan Chadwick: alan.chadwick@hubberston.org.uk