Cyswllt
Am ragor o wybodaeth am y Grŵp Cenhadaeth Fyd-Eang, neu am fanylion y gwahanol Asiantaethau Cenhadol sy’n cael eu cefnogi o fewn yr Esgobaeth (nad ydynt efallai wedi eu cynnwys ar y wefan hon), cysylltwch â Chadeirydd Grwp Cenhadaeth Fyd-eang yr Esgobaeth:
Cadeirydd Grwp Cenhadaeth Fyd-eang yr Esgobaeth
Y Parchg Ann Howells,
Y Ficerdy, 77 Heol y Brenin,
Llandybie,
Rhydaman SA18 2TL
01269 850337
ann.howells1@tesco.net
DIGWYDDIADAU
Cynhadledd Breswyl CMS Cymru
Amser cinio Dydd Gwener 15 Gorffennaf i Amser te Dydd Sadwrn 16 Gorffennaf 2011 yn Hebron Hall, Dinas Powys CF64 4YB
Astudiaethau beiblaidd gan y Parch. Roger Bowen.
Siaradwyr: Ram Prasad Shrestha (Nepal) a Meg Merrifield (Kenya). Cost £75.
Rhagor o fanylion a ffurflen i archebu lle oddi wrth:
Dr Val Major
v.major1@ntlworld.com
029 2031 3492.
Cenhadaeth fyd-eang
Mae amrywiaeth gyfoethog o ddulliau y gall plwyfi o bob maint chwarae eu rhan fel aelodau o’r Eglwys fyd-eang, a thrwy hynny gael eu cyfoethogi a’u herio yn eu ffydd a’u gweinidogaeth eu hunain.
Pobl Cyswllt y Genhadaeth Fyd-eang
Mae’r Grŵp Cenhadaeth Fyd-eang yn Esgobaeth Tyddewi wedi gwahodd pob plwyf (neu Fywoliaeth) i enwebu un person o’u cynulleidfa i fod yn Gyswllt y Genhadaeth Fyd-eang. Mewn ymgynghoriad gyda’r Ficer/yr Offeiriad â Gofal, gwaith y Person Cyswllt yw meithrin a hyrwyddo cysylltiadau rhwng y plwyf a rhyw agwedd o’r eglwys fyd-eang. Gallai hyn gynnwys:
- Dyfeisio a chynllunio, yn weddigar, strategaeth Cenhadaeth Fyd-eang gyda’r Cyngor Plwyf
- Cysylltu â’r Asiantaeth Genhadu a ddewiswyd a chynnal y cysylltiad hwnnw
- Bod ar restr llythyru/ cofrestru diddordeb ebost i dderbyn newyddion a chyhoeddiadau rheolaidd ganddyn nhw
- Bwydo gwybodaeth yn ôl i’w defnyddio mewn cylchgronau plwyf, eiriolaeth, ac ati
- Defnyddio deunydd arddangos i roi gwybodaeth i gynulleidfaoedd
- Trefnu digwyddiadau i addysgu, hysbysu a chodi arian ar gyfer asiantaethau/prosiectau cenhadol
- Awgrymu defnyddio adnoddau a ddaw gan yr Asiantaeth Genhadol (gweler isod)
- Cyfathrebu gyda Phartneriaid/arweinyddion Prosiect Cyswllt y Genhadaeth a throsglwyddo newyddion
Cynulliadau o Bobl Cyswllt y Genhadaeth Fyd-eang
O bryd i'w gilydd rydym yn gwahodd Pobl Cyswllt y Genhadaeth Fyd-eang i fynychu cyfarfod o fewn pob Archddiaconiaeth. Mae’r rhain wedi bod yn achlysuron gwerthfawr ar gyfer cyfnewid syniadau, cael mwy o wybodaeth am yr hyn sydd ar gael, a chanfod sut y gall plwyfi elwa yn sgîl cael cysylltiadau â’r eglwys fyd-eang.
Dyma rai enghreifftiau o’r adnoddau sydd ar gael gan y rhan fwyaf o Asiantaethau Cenhadol:
- Defnydd ar gyfer grwpiau astudio (e.e. cyrsiau Garawys)
- Cyfleoedd i bobl gael profiad tramor tymor byr (rhwng pythefnos a chwe mis)
- Gwybodaeth am ddod yn bartner cenhadaeth tymor hir
- Adnoddau ar gyfer gwaith plant, ysgolion a grwpiau ieuenctid
- Syniadau ymarferol ar gyfer codi arian (e.e. ailgylchu cetrysau inc, casglu stampiau ac ati)
- Syniadau ar gyfer digwyddiadau cymdeithasol fyddai’n denu y tu hwnt i’r eglwys (Parti Cyri Mawr USPG)
- Syniadau ar gyfer gwasanaethau arbennig o bob cwr o’r byd (Diolchgarwch, Adfent ac ati)
- Syniadau litwrgaidd i roi themâu ‘eglwys y byd’ i unrhyw wasanaeth
- Syniadau am gefnogi prosiectau/personél dramor i gyd-fynd â gwahanol gyllidebau
- Llyfrau, deunydd astudiaeth Feiblaidd personol, CDau, DVDau ac ati
- Cyfleoedd i gymryd rhan mewn Heriau (cerdded, beicio, dringo) i godi arian (e.e. gyda CMS, taith i ddringo Mynydd Kenya a dringo Pen y Fan gyda Chenhadaeth y Gwahanglwyf)